Plantun de Prouvènço

Pèr coumpara dos planto d'encò nostre

Quercus ilex & Plumbago europaea

Euse

Quercus ilex

Fagaceae

Àutri noum : Chaine-verd, Euve, Eusin, Aglanié, Léuse.

Noms en français : Chêne-vert, Yeuse.

Descripcioun :
Es-ti necite de presenta l'éuse ? Si fueio persistènto soun proun chanjadisso seguènt que s'atrobon à l'oumbro vo au lume. La meiouro marco èi lou dessouto cubert de fèutre blanc.

Usanço :
I siècle passa èro proun utilisa coume bos de caufage e peréu pèr faire de carboun (carbouniero). Lis aglan èron acampa pèr nourri li porc e li lapin. Dóu tèms de la guerro de quaranto, èron griha, moulina, e servien coume cafè.

Port : Aubre
Taio : Pancaro entresigna
Fueio : alterno
Tipe bioulougico : Pancaro entresigna
Cicle bioulougico : Pancaro entresigna

Gènre : Quercus
Famiho : Fagaceae

Ordre : Fagales

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Garrigo
Estànci : Pancaro entresigna
Couroulougi : Pancaro entresigna
Ref. sc. : Quercus ilex L., 1753

Erbo-di-rascas

Plumbago europaea

Plumbaginaceae

Àutri noum : Erbo-enrabiado, Bagoun, Erbo-de-la-rougno, Erbo-di-couquin, Malo-erbo.

Noms en français : Dentelaire, Malherbe.

Descripcioun :
L'erbo-di-racas, mens coumuno qu'à passa tèms, trachis en ribo de camin, i pèd de muraio e dins lis escoumbre ounte flouris amé de poulìdi flour vióuleto, à la fin de l'estiéu. Es uno planto eisado de recounèisse emé si flour e si fru pegous qu'arrapon li péu e li teissu.

Usanço :
Èi couneigudo au nostre pèr garris la rasco. Ramentèn qu'aquesto malautié de pèu e de péu s'aprèn à de champignoun coume Microsporum canis. Freta la bèsti emé d'òli de bagoun (adouba en fasèn bouli la planto dins l'òli). Se dis peréu qu'en mastegant la racino, apaisso li ràbi de dènt (erbo-enrabiado)-TdF. Pamens se n'en fau mesfissa que fretado sus la pèu pòu douna d'enflamacioun.